Që nga 13 marsi kur edhe u shënuan dy rastet e para pozitive me COVID-19, numri i të infektuarve me këtë virus ka shkuar në 17 mijë e 943.
Nga të dhënat e Institutit Kombëtar të Shëndetësisë Publike të Kosovës (IKSHPK), nga ky numër kanë arritur që të shërohen 15 mijë e 88 persona. Mirëpo, janë 663 të tjerë të cilët kanë vdekur shkak i infektimit me virusin korona.
Ndërkaq numri i rasteve aktive me COVID-19 është 2 mijë e 192.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.049 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 186 raste pozitive. Brenda 24 orëve janë raportuar dy raste të vdekjes me SARS CoV-2 pozitiv (MIQ, QKUK). Numri total i rasteve pozitive është 17.943 raste nga 87.147 persona të dyshimtë në virusin SARS-CoV-2 dhe 663 raste të vdekjes. Gjatë 24 orëve të fundit, janë shëruar 54 pacientë derisa numri i përgjithshëm i të shëruarve deri më sot është gjithsej 15.088 raste, kurse numri i rasteve aktive është 2.192”, thuhet në të dhënat e IKSHPK-së.
E me më së shumti raste pozitive është komuna e Prishtinës.
Vetëm gjatë 24 orëve të fundit në komunën e Prishtinës 72 persona kanë rezultuar pozitiv me COVID-19. Më pas është Gjilani me 20 raste, Fushë Kosova me 17 raste, Gjakova me 15 raste, Vushtrria me 9 raste, Skenderaj me 8 raste, me 7 raste është Peja, ndërsa me 6 raste janë Ferizaj e Mitrovica. Ndërsa, Lipjani 5 raste, komuna e Obiliqit 4 raste, komuna Drenas 3 raste, komuna Prizren 3 raste, komuna Deçan 2 raste, komuna Suharekë 2 raste dhe me nga një rast komunat Istog, Kamenicë, Klinë, Malishevë, Podujevë, Rahovec dhe Shtime.
