154 policë të infektuar me Covid-19, një i vdekur

0
437
Foto: Ilustrim

Ishte pjesë e Njësisë Elitare të Policisë së Kosovës. Ilir Gjokajt humbi jetën nga Covid-19.

39 vjeçari që shërbente në stacionin Policor të Gjakovës është varrosur të premten pasdite në varrezat e fshatit Skivjan të Gjakovës.

Bashkë me Gjokajn, janë kolegët e tij nga Policia e Kosovës që nuk e kanë ndërprerë angazhimin që nga dita e parë kur është shfaqur pandemia në vend.

Deri më tash, brenda Policisë janë prekur me Covid 19 154 zyrtarë policorë.

Kështu bën të ditur Zyra për Informim e Policisë së Kosovës.

Të angazhuar në luftën me pandeminë, sipas komandantit të Policisë së Kosovës, Rashit Qalaj, janë afër 4000 mijë policë.

Tash e disa ditë, këta zyrtarë policor po punojnë në orar 12 orësh.

Kjo sipas Sindikatës së Policisë është ngarkesë.

Por pavarësisht gatishmërisë, nënkryetari i kësaj sindikate, Shaban Tasholli thotë se do të kërkojnë vazhdimin e kompensimit prej 300 eurosh për secilin polic.

Gjatë kohës së pandemisë, policët po ashtu e kanë të ndaluar të shfrytëzojnë të drejtën për pushim vjetor.

Në Policinë e Kosovës thonë se po i kushtojnë rëndësi të veçantë sigurimit të masave mbrojtëse për zyrtarët policorë.

Leave a Reply