Kurti takon kryesuesin e Presidencës së Bosnjës, flasin për lëvizjen e lirë mes dy vendeve

0
155

Kryeministri i Republikës së Kosovës, Albin Kurti, gjatë vizitës së tij në Paris ka zhvilluar një takim me kryetarin e Presidencës së Bosnje e Hercegovinës, Zeljko Komshiq dhe anëtarin e Presidencës, Denis Beçiroviq, raporton Gazeta Sinjali.

Temë e takimit mes tyre ishte rëndësia e zbatimit të plotë të marrëveshjeve që janë arritur në kuadër të Procesit të Berlinit, teksa kanë shqyrtuar mundësitë e thellimit të bashkëpunimit ndërmjet dy vendeve.

Në një postim në platformën X [ish-Twitter], Kurti e ka quajtur takimin produktiv.

“Falënderoj kryetarit të Presidencës së Bosnje-Hercegovinës, Zheljko Komshiq, dhe anëtarin e Presidencës, Denis Beçiroviq, për një takim produktiv”, shkroi ai.

Ndryshe, me ftesë të presidentit francez, Emmanuel Macron, i cili ka bërë hapjen e Forumit, të enjten në mbrëmje, kryeministri Kurti ka qenë pjesë e darkës me krerët e shteteve dhe qeverive pjesëmarrëse në këtë Forum.

“Të shtunën, më 11 nëntor, duke filluar nga ora 10:00, në kuadër të ditës së dytë të Forumit të Paqes, Kryeministri Kurti do të marrë pjesë në panelin e diskutimit me temën ‘Krijimi i paqes dhe ndërtimi i një bote më të sigurt’, ndërkohë që gjatë qëndrimit atje do të zhvillojë disa takime”, thuhet në njoftim.

Leave a Reply