Komuna e Prizrenit së bashku me ‘Jetimat e Ballkanit’ do t’i ndërtojnë 30 shtëpi

0
56

Kryetari i Komunës së Prizrenit, Mytaher Haskuka sot ka nënshkruar marrëveshje bashkëpunimi me shoqatën bamirëse “Jetimat e Ballkanit”, për ndërtimin e 30 shtëpive për familjet në nevojë, sipas formës çelësa në dorë, thuhet në njoftim përcjell 04 Online.

“Pas nënshkrimit të kësaj marrëveshjeje, kryetari Haskuka falenderoi shoqatën “Jetimat e Ballkanit” për bashkëpunimin e treguar për krijimim e kushteve më të mira për familjet në nevojë. Kryetari Haskuka po ashtu njoftoi se shtëpitë në fjalë do të ndërtohen gjatë këtij viti dhe se do të dorëzohen në afat.

Kurse Halil Kastrati nga shoqata “Jetimat e Ballkanit” tha se së bashku me marrëveshjen e vitit të kaluar, numri i familjeve që do të përfitojnë nga ky bashkëpunim do të arrijë në 50, duke e cilësuar kështu Komunën e Prizrenit si komuna e cila ka përfituar më së shumti shtëpia për familjet në nevojë.

Përveç kësaj marrëveshjeje, Komuna e Prizrenit këtë vit me të hyrat komunale do t’i ndërtojë edhe 30 shtëpi të tjera, ndërkaq do të renovojë edhe 30 shtëpi dhe 30 kulme, duke bërë kështu zgjidhjen e problemit të banimit për së paku 120 familje nevojtare”, thuhet në njoftim./04online.info

Leave a Reply