Aleanca për Ardhmërinë e Kosovës do t’i ketë 5 vende në qeverinë e ardhshme të drejtuar nga Avdullah Hoti.
Indeksonline ka mësuar emrat e personave dhe dikasteret që do të drejtohen nga partia e Ramush Haradinajt.
Zëvendëskryeministër është përcaktuar të jetë Besnik Tahiri
Ministër i Arsimit – Rame Lika
Ministër i Drejtësisë – Selim Selimi
Ministër i Ekonomisë – Blerim Kuqi
Ministre e Punëve të Jashtme – Meliza Haradinaj
Ndryshe, sekretari i AAK-së, Besnik Tahiri ka deklaruar dje se kanë mbetur edhe disa çështje për t’u dakorduar me LDK-në e pastaj të nënshkruhet edhe zyrtarisht marrëveshja.
“Shumë shpejt do të dalim me marrëveshjen finale, një marrëveshje e shpejtë për të nisur një qeveri të re, për të ndihmuar në këtë gjendje të rëndë është më se e nevojshme. Ajo që dua të them është se po punohet për t’u përgatitur kjo seancë, javën e ardhshme jam i bindur se do të kemi një qeveri të re”, ka deklaruar ai.