Haradinaj: Kosova ka shënuar rritjen më të lartë ekonomike në rajon

0
42

Kryeministri i Kosovës, Ramush Haradinaj ka zhvilluar takim me Ministrin e Financave, Bedri Hamza dhe ekipin e Zyrës së Kryeministrit, rreth të dhënave të fundit për gjendjen ne politikën tatimore të vendit.

Haradinaj ka ritheksuar se ky është viti i ekonomisë.

“Ky është viti i ekonomisë dhe në frymën e kësaj, jemi duke punuar që të shohim një pasqyrë të saktë se ku qëndron Kosova në fushën e politikës fiskale, çka kemi ndërmarrë si Qeveri për të përmbushur infrastrukturën ligjore, lehtësirat fiskale që kemi ndërmarrë, duke i liruar nga tatimi shumë linja prodhuese si dhe çka mund të bëjmë më shumë, në të mirë të rritjes ekonomike, gjenerimin e vendeve të reja të punës dhe përmirësimin e mirëqenies tonë”, thekson kryeministri.

Haradinaj thotë se Kosova ka shënuar rritjen më të lartë ekonomike në rajon.

“Në vizitat në terren çdo ditë po vërejmë rritje të prodhimit dhe eksportit dhe është në interes primar të vendit që t’i evidentojmë dhe shfrytëzojmë të gjitha resurset tona, për t’i avancuar këto parametra ekonomik”, ka shkruar kryeministri në Facebook.

Leave a Reply