Rrathët e syve, si t’i eliminoni ato me kurkuma (shafranin e Indisë)

0
63

Rrathët e errët të syve janë padyshim një nga problemet më të vështira estetike për t’u trajtuar.

Shkaktuar nga pagjumësia, mosha, alergjia etj., por edhe nga faktorët gjenetikë, rrathët e errët mund të shfaqen pak a shumë në mënyrë permanente.

Një metodë natyrale për zhdukjen e rrathëve të syve është përgatitja e një maske me bazë shafranin e Indisë.

Përdorimi i kësaj maske 2-3 herë në javë mund të zvogëlojnë shumë pamjen e rrathëve të errët e të bezdisshëm, në sajë të vetive lehtësuese dhe anti-inflamatore të shafranit të Indisë.

Për të përgatitur maskën në fjalë ju nevojiten këto përbërës:

-2 lugë pluhur shafran i Indisë;

-disa pika lëng domateje;

-disa pika vaj bajameje.

Përzieni mirë të gjithë përbërësit derisa të integrohen së bashku.

Vendoseni nën sy masën e përgatitur dhe lëreni të veprojë për 25-30 minuta.

Shpëlajeni me ujë të bollshëm dhe më pas aplikoni një serum fytyre.

Shafrani i Indisë zvogëlon enjtjen, ashtu si dhe lëngu i domates, i cili është gjithashtu efektiv kundër enjtjes, e po ashtu, lufton mbajtjen e lëngjeve duke e hidratuar mirë zonën e prekur.

Leave a Reply