Nuk besojmë se është e nevojshme t’ju pyesim se sa shumë përtoni t’i pastroni furçat e grimit. Ndonjëherë kujdesi për t’i mbajtur të pastra ju ha më shumë kohë se edhe vetë procesi i vendosjes së make up- it.
Për këtë arsye ne po ju tregojmë një mënyrë të shpejtë dhe të thjeshtë të pastrimit, që nuk ka për t’ju marrë më shumë se 3 minuta nga jeta juaj.
Çfarë ju duhet?
Shampo
Një gotë
Ujë
Një mal me fuça make up- i
Si ta bëni?
Si fillim mbushni gotën me ujë dhe tretni në të pak shampo. Vendosni në gotë të gjitha furçat e papastra të make up- it dhe pothuajse mbaruat.
Gotën në fjalë futeni në mikrovalë për rreth 1- 2 minuta. Kështu nxehtësia do të bëjë heqjen e fondatinës dhe dezinfektimin.
Kur të keni mbaruar shplani furçat me ujë të ftohtë dhe lërini të thahen ku të dëshironi.
A mund të ishte më e thjeshtë se kaq?!
Kjo recetë vlen edhe për sfungjerin me të cilin përhapni fondatinën, kështu që provojeni dhe na falenderoni më vonë!
