Sorrat janë lloji më inteligjent i shpendëve

0

Testi që shkencëtarët e zhvilluan me “automat ushqimi”, nxori në pah se sorrat janë më inteligjente në mesin e zogjve.
Sipas lajmit në BBC, në një eksperiment i zhvilluar mbi shpendët e egër në një qendër mbrojtëse në Kaledoninë e Re, disa sorra gjetën se si punon “automati i ushqimit”.
Hulumtuesit vëzhguan se si sorrat pas një kohe letrën e vendosur para tyre e kanë futur në vendin e parave të automatit dhe kanë arritur të marrin ushqimin.

Sarah Jelbert nga Universiteti Cambridge, tregoi se si e kanë zhvilluar eksperimentin, përcjell aa. “Përgatitëm një automat ushqimi në formë të kutisë për sorrat. Mbi kutinë vendosëm gurë dhe letra në të cilat fshehëm copë mishi. Më pas i mësuam sorrat që gurët dhe letrat t’i hedhin në një vrimë mbi automatin. Kështu mundeshin të marrin ushqim nga automati. Pasi që sorrat e zgjidhën se si punon sistemi e bëmë më të vështirë testin dhe vendosëm letra më të mëdha që nuk hyjnë në vrimë”, tregon ajo.

Jelber tha se sorrat kanë copëtuar letrat me sqepat e tyre me të cilën kanë arritur të mundësojnë automati të punojë dhe kanë arritur të marrin ushqim nga automati.

Theksohet se gjysma e sorrave kanë qenë të afta të zgjedhin mekanizmat e ndërlikuar. Gjithashtu është bërë e ditur se ky test është më i ri dhe më i avancuar, me të cilën është dëshmuar se sorrat janë lloji më inteligjent i shpendëve.

Hulumtimi i publikua në revistën “Nature Scientific Reports”.