PDK-ja në Prizren paralajmëron krijimin e Kabinetit të Qeverisjes së Mirë për Komunën e Prizrenit, adreson kritika ndaj qeverisë lokale…

0

Dega e partisë Demokratike të Kosovës në Prizren ka mbajtur Konferencë për Media, me ç’rast ka paralajmëruar se është duke punuar në krijimin e Kabinetit të Qeverisjes së Mirë për Komunën e Prizrenit.
Samir Hoxha, zyrtar nga PDK’ja ka bërë me dije se ky kabinet do t’i ketë komisionet me njohës të fushave në kuadër të qeverisë lokale dhe në vazhdimësi do të përcjellë e analizoj qeverinë lokale. Hoxha, ka adresuar kritika ndaj qeverisjes lokale.

“Kabineti i qeverisjes së mirë do të përcjell dhe analizoj me vëmendje keq qeverisjen e izoluar dhe jo transparente të Komunës së Prizrenit.
Partia Demokratike e Kosovës dega në Prizren, në përputhje me vendimin e organeve drejtuese të saj, ka filluar përgatitjet për themelimin e Kabinetit të Qeverisjes së Mirë për Komunën e Prizrenit.
Kabineti i qeverisjes së mirë do t’i ketë komisionet përkatëse me njohës së fushave në kuadër të qeverisjes lokale, meqë rast do të përcillet dhe analizohet me vëmendje keq qeverisjen e izoluar, jo transparente, dhe jo vendimmarrëse e kryetarit turist z. Mytaher Hakuka dhe koalicionit qeverisës.
Kaluan njëqind ditët e qeverisjes me ankesa fiktive dhe postime në FB, e gjitha kjo për të arsyetuar mos punën e tij dhe kabinetit që drejton, si dhe duke bërë përpjekje që ta kamufloj paaftësinë e tij, për të ju ofruar zgjidhje problemeve të shumta që kanë qytetarët e komunës sonë.
Mungesa e gatishmërisë për të realizuar punët dhe përgjegjësitë para qytetarëve të Komunës së Prizrenit, është një dëshmi e mungesës së vizionit, programit dhe kapaciteteve për të udhëhequr dhe realizuar projekte të cilat përmirësojnë jetën në qytetin tonë.
Kryetari i komunës, ka shkelur të gjitha normat e transparencës, dhe ka krijuar shkëputje nga komunikimi me qytetarët.
Kryetari i komunës dhe kjo qeverisje, ka dështuar të ketë një program qeverisës edhe pas më shumë se njëqind ditë qeverisje.
Kryetari i Komunës së Prizrenit ka mbingarkuar hapësirat e komunës më militantë të VV-së, me kontrata mbi vepër duke mos respektuar asnjë procedurë konkursi.
Këta militantë të VV-së, përveç se janë të punësuar jashtëligjshëm po ushtrojnë terror psikologjik mbi shërbyesit civil, të cilët me vite punojnë në administratën e komunës së Prizrenit.
PDK në Prizren konsideron se këto veprime janë shkelje e rëndë e legjislacionit në fuqi, andaj si të tilla janë të papranueshme. Ne bëjmë thirrje që sa më parë të ndalet ky mentalitet qeverisës, përndryshe pasojat e shkeljeve të shumta do të jenë të pariparueshme.
Me qëllim të evidentimit të të gjitha shkeljeve ligjore që po bëhen nga ana e kësaj qeverie, pa program e vizion, PDK në Prizren së shpejti do ta lansoj platformën elektronike, përmes së cilës do i ofrojmë mundësi qytetarëve të Komunës së Prizrenit, që t’i adresojnë të gjitha shqetësimet në raport me këtë qeverisje, e cila njëqind ditëshin e saj po e manifeston me pa aftësi për të drejtuar qytetin tonë.
Kryetari turist i Prizrenit, ka bërë udhëtime të njëpasnjëshme jashtë vendit, pa asnjë informatë para qytetarëve për arsyen e vizitave, dhe pa asnjë llogaridhënie e shpjegim për shpenzimet e këtyre udhëtimeve me paratë e taksapaguesve të Prizrenit.
Këto dhe shumë e shumë veprime të tjera, dhe abuzime me detyrën e tij si kryetar, PDK do t’i shpalos në kuadër të seancës së jashtëzakonshme që do të thirret së shpejti nga GP i PDK-së.
Grupi i Kuvendarëve të PDK-së, ka filluar me mbledhjen e nënshkrimeve për mbajtjen e seancës së jashtëzakonshme për njëqind ditët e qeverisjes.
PDK do vazhdoj që përmes komunikimit më të vazhdueshëm, me qytetarët e komunës sonë, që t’i prezantoj te gjitha shkeljet, që po i bënë kjo qeverisje në dëmë të interesave të qytetarëve të komunës sonë”, thuhet në Komunikatën për Medie nga PDK’ja dega në Prizren./04online.info/