Leksione grimi për të gjitha kohërat

0

Edhe pse për shumicën prej nesh aplikimi i grimit paraqet një rutinë të përditshme, nganjëherë i shpërfillim rregullat themelore, të cilat ndikojnë në dukjen tonë dhe në përshtypjen që e lëmë tek të tjerët. Këto janë rregullat themelore të aplikimit të grimit, sipas ekspertëve

Baza

Baza kurrë nuk aplikohet direkt në lëkurë dhe para saj gjithmonë duhet të aplikohet serumi ushqyes ose kremi hidratues.

Nuanca e pudrës

Nuanca e përshtatshme e pudrës zgjidhet duke e aplikuar një sasi të madhe të saj mbi mjekër dhe në drejtim të qafës. Nuanca e përkryer është ajo që është e ngjashme me ngjyrën natyrale të lëkurës suaj.

Korrektori

Papërsosmëritë assesi nuk duhet të fshihen me sasi të mëdha të pudrës, për këtë shërben korrektori. Vetëm në këtë mënyrë fytyra juaj do të duket e shëndetshme, e bukur, ndërsa ngjyra do të jetë e njëtrajtshme.

Të kuqtë

Të kuqtë gjithmonë aplikohet në pjesën më të lartë të mollëzave, e pas kësaj me lëvizje qarkore me brushë të përshtatshme shpërndahet anash, në drejtim të veshëve.